Արցախի բանավոր պատմությունների թվանշային շտեմարան

Եռամյա այս նախագծի նպատակը բռնի տեղահանված արցախցիների բանավոր պատմությունների թվանշային շտեմարանի ստեղծումն է՝ պահպանելու այն անհատական վկայությունները, որոնք անդրադառնում են գոյատևման ռազմավարություններին, առօրյա կյանքին և կորսված հայրենիքի հետ ունեցած կապին՝ սկսած ուշ խորհրդային շրջանից մինչև 2023 թվականի Արցախի էթնիկ զտումը։ Շտեմարանը կծառայի որպես ոչ նյութական մշակութային ժառանգության պահոց և պատմական իրադարձություններին վերաբերող վկայությունների հավաքածու։Նախագծի շրջանակում գրանցվելու է 2020-2023 թթ. Արցախի յոթ շրջաններից և Ստեփանակերտից Հայաստան բռնի տեղահանվածների 180 բանավոր պատմություն։